Отан үшін қызмет – мақтаныш, жауапкершілік және абырой!

Қазақстан Республикасының Заңында көрсетілген әскери қызметке қатысты маңызды өзгерістер мен жаңартулар бойынша 2025 жылдың 10 - желтоқсанында Ғ.Мұратбаев атындағы Жетісай гуманитарлық - техникалық колледж студенттеріне кеңінен түсіндіру жұмыстары жүргізілді.

Әскери қызметтің мемлекет үшін ғана емес, әрбір азамат үшін де маңызы жоғары екені атап өтілді. Жаңа заң аясында шақыру тәртібіне енгізілген өзекті өзгерістер, сондай-ақ шақыру қағаздарының электронды үкімет (eGov) порталы арқылы жолдануы, олардың рәсімделу және жеткізілу тәртібі жан-жақты түсіндірілді.

Бұл жаңашылдықтар азаматтардың құқықтық сауаттылығын арттырып, әскери қызметке қатысты процестерді ашық әрі қолжетімді етуге бағытталған. Сонымен қатар, жастарға ел алдындағы борышты өтеудің жауапкершілігі мен оның абыройлы іс екені ерекше айтылды.